Djaloshi 15 vjeç i cili kurrë nuk ka shkuar në shkollë u bë studenti më i ri i Universitetit prestigjioz Cambridge në 200 vitet e fundit.

Arran Fernandez, gjeniu i matematikës, është arsimuar në shtëpi. Atë e ka edukuar babai i tij Neil i cili është krenar që djali i tij është pranuar në kolegjin Fitzwilliam që është në kuadër të Universitetit Cambridge.

“Jam i lumtur që jam pranuar në Cambridge, por jam mësuar të arrijë rezultate të mira dhe të jem gjithmonë më i riu”, tha Arran i cili në moshën 5 vjeçare mori diplomën e shkollës së mesme.

Djaloshit gjeni i është ofruar një vend në Universitet me kushtin që të arrijë rezultat të shkëlqyeshëm në testin e fizikës, gjë që edhe ia arriti. Vitin e kaluar po ashtu realizoi rezultat të shkëlqyeshëm nga matematika, ndërsa nota të mira mori edhe në testet e gjuhës angleze dhe franceze.

Në botë thyhen gjithëfarëlloj rekordesh me qëllim për t’u bërë njerëzit më të famshëm.

Kësaj radhe pronari i një dyqani prodhimesh të skuqura i ka vënë detyrë vetes që të skuqë patate për 83 ore rresht me qëllim që të thyejë rekordin e një britaniku në vitin 1887 që bëri këtë veprim për 72 orë pa ndërprerje.

Pronari i dyqanit, belgu Chris Verschueren, 52 vjec i është futur punës dhe pushon vetëm 5 minuta cdo orë për të qenë i freskët.

Gjysma e të ardhurave nga fitimet do të shkojë për një spital fëmijësh.

Kohë të vështira për lindjet jashtëmartesore në Kinë: fajtorët do të dënohen me një gjobë që shkon deri në 28 mijë euro.

Masa parashikohet në rregulloren e fundit të nxjerrë nga komisioni për planifikimin familjar të Chongqing.

Gjoba llogaritet në bazë të të ardhurave mesatare vjetore që në 2009-n është fiksuar 1600 euro.

Probleme edhe për çiftet e pamartuara që lindin një fëmijë: autoritetet e Chongqing kanë vendosur se duhet të paguajnë një gjobë prej 700 eurosh.

Asnjë park kombëtar në botë nuk është aq i thellë sa Shpella e Mamuthit.  Drita e diellit depërton nëpërmjet një guve në thellësinë e nëndheut në një botë që filloi 300 milionë vjet më parë.

Një botë labirinthesh dhe zgavrash të mbushura me kolona stalaktitesh dhe stalakmitesh.  Ato i bëjnë jehonë historisë së këtyre shpellave.  Banorët indianë të zonës i njihnin këto zona që 2000 vjet para krishtit. Madje ata i shfrytëzuan ato për të nxjerrë gipsin që e kanë përdorur që prej atëhere si medikament për ceremonitë e tyre.

Kuzhinieri 23 vjeçar, Zeng Ziguang nga Provinca Hubei, mësoi qenin e tij për të pirë cigare. Qeni tani është i mvarur nga pirja e duhanit  dhe pi një paketë në ditë ndërsa më parë nuk duronte as tymin e duhanit. “Ai e urrente erën e tymit. Por unë e kam trajnuar që ai të mësohet të pi dhe ta nxjerrë tymin jashtë,” tha Zeng.

“Gradualisht Blackien e  kam mësuar me erën e duhanit dhe kam filluar duke ndezur nga një cigare në gojën e tij. Çdo herë që ai e bënte këtë, unë e shpërbleja atë me ushqime.”

Polakët kanë vendosur të bëjnë picën më të gjatë në botë. Aktualisht, pica më e gjatë nuk është as 500 metra, ndërsa polakët ambiciozë i vunë vetit qëllimin që ta bëjnë 1 000 metra.

Banorët e qytetit Krakow vendosën të thyejnë rekordin botëror, duke bërë picën më të gjatë në botë.

Irakiani Zahim Jehad prej mbetjeve të luftës krijon art.

Ai krijon peshqit nga pistoletat, anijet nga bajonetat, ndërsa insektet prej pjesëve të armëve amerikane, ndërsa ka punësuar edhe studentë të fakultetit të artëve për t’i ndihmuar që instrumentet e terrorit t’i shndërrojë në art, transmeton Mia.