Lajmet me te cuditshme ne bote

Posted by deoni | Posted in Kuriozitete | Posted on 23-01-2011

1

Binjaket me baballare te ndryshem, nje grua qe mbajti ne bark per 46 vjet “femijen” e saj te vdekur, nje tjeter qe lindi 8 femije apo burri qe u zgjua nga koma pas 19 vjetesh. Histori te pabesueshme, por te verteta qe mjekesia eshte perballur keto vitet e fundit.

Ne janar te vitit 2009, Nadia Suleman, nje grua kaliforniane, nene e 6 femijeve lindi edhe 8 te tjere.

Gjate ekografise se fundit, vetem 7 prej tyre ishin te dukshem. Por ne momentin e lindjes doli ne drite edhe femija i tete. Nje ekip prej 46 personash, mes mjekeve dhe infermiereve ndihmoi

Nadian te linte femijet e saj brenda 5 minutash, plot nente jave e gjysme me pare nga data e parashikuar per lindje. Femijet ishin ne gjendje te mire dhe peshonin nga 820 gram deri ne 1,54 kg. Sipas mjekeve kjo shtatzeni e pazakonte eshte shkaktuar nga trajtimi i fertilitetit te ciles nena i ishte nenshtruar. Ne SHBA deri ne ate kohe nuk kishte ndodhur qe nje grua te sillte ne jete plot 8 femije.


Qeni qe nuhati kancerin

Thuhet se qente jane te afte ta nuhasin kur padroni i tyre semuret. Nje studim i shfaqur ne vitin 2006 ne “Integrative Cancer Therapies”, ka treguar per sistemin nuhates te qenve ne raste te semundjeve te tilla si kanceri. Testet ne fakt kane treguar se ne prani te njerezve te shendetshem dhe te tjereve te semure nga kanceri, disa qen jane ne gjendje te dallojne te semuret nga era e urines dhe frymemarrja.

U bene eksperimente me qente ne prani te personave te semure me kancer ne gjoks, mushkri, lekure dhe veshka. Rezultatet kane qene befasuese: per sa i perket kancerit te mushkerive qente e nuhaten ne 88 per qind te rasteve, perqindje qe per sa i perket kancerit te gjirit arrinte ne 97 per qind. Kjo mund te shpjegohet nga fakti se mund te kete elemente te kesaj semundjeje lehtesisht te dallueshme nga kafshet shtepiake. Sipas specialisteve behet fjale per nje studim interesant qe mund te hape rruge te reja ne kerkimet per kete semundje.

Vajza me dy zemra

E lindur me nje kardiomiopati (semundja e muskolit kardiak), Hannah Clark-ut, qe sot eshte 17 vjec, iu desh t’i nenshtrohej nje transplanti ne zemer ne vitin 1995. Qe nga ai moment, ne gjoksin e saj, nje zemer e transplantuar ndihmonte ate te semuren te pompoje gjakun ne organizem.

Pikerisht keshtu, Hanna jetoi me dy zemra. Pastaj papritur, pas disa vjetesh, trupi i saj e refuzoi transplantin. Ne vitin 2006, kirurget eksperimentuan te Hannah nje operacion qe nuk ishte realizuar kurre me pare: hoqen zemren e dyte dhe kontrolluan nese zemra e vertete e vajzes ishte ne gjendje te funksiononte vete. Si nje mrekulli, ajo funksionoi. Zemra e Hannah kishte mundur te clodhej per disa vjet, duke u forcuar dukshem: tani ishte ne gjendje te niste punen e vetme.

Te zgjohesh pas 19 vjeteve ne koma

Ne vitin 1988, Jan Grzebski, nje punonjes hekurudhash polak ra ne koma, pasi u shtyp nga nje tren. Per plot 19 vjet ka jetuar ne nje koma te thelle dhe mjeket ishin shume skeptike mbi faktin nese do e merrte veten apo jo. Por ne 2007-n, nje dite te bukur Grzebski u zgjua. Elementi me i mrekullueshem i kesaj historie ishte se Jan mundi te tregonte “komen” e tij: “Kam pare gjithcka, kam ndier gjithcka edhe kur mjeket me thoshin se kam vetem nje muaj jete dhe se nuk do te zgjohesha kurre nga koma. Por nuk mund te reagoja”.

Nje femije brenda tjetrit

Ne vitin 2008, vogelushja Fatoumata, nje femije maliane 8 muajshe iu nenshtrua nje operacioni kirurgjikal per te hequr fetusin “parazit” qe e pengonte te rritej. Behet fjale per nje rast te ashtuquajtur “foetus in foetu”: nje anomali shume e rralle ne zhvillimin e embrionit, ne trupin e te cilit vendoset nje fetus binjak jo i plote. Fetusi i dyte zhvillohet pjeserisht brenda trupit te tjetrit. Ai mund te peshoje disa kilograme duke bere qe mjeket ne fillim te mendojne per ndonje tumor ose ndonje kist. Pjesa me e madhe e rasteve te “foetus in foetu” zbulohen qe ne lindje dhe nga kjo patologji preket nje femije ne 500 000 te tille. Per te hequr kete fetus te paplote nga trupi i femijes eshte i nevojshem operacioni. Sipas mjekeve, ky fenomen i njohur edhe si “homonculus”, shkaktohet nga nje shtatzeni me dy binjake evolucioni i se ciles ka qene anormale dhe perfundon me perfshirjen e nje fetusi brenda tjetrit.

Shtatzene per 46 vjet

Ne vitin 2002, nje grua marokene 75-vjecare u shtrua ne spital, pasi kishte dhimbje te forta barku. Gjate operacionit ne bark, mjeku zbuloi se ne trupin e saj ishte nje fetus i fosilizuar qe qendronte aty prej 46 vjetesh. I vdekur gjate shtatzenise, fetusi ishte kalcifikuar ne barkun e gruas dhe trupi i kesaj te fundit ne vend qe ta refuzonte ishte pershtatur me prezencen e tij. Keto raste hasen shpesh te gra qe jetojne ne kushte te veshtira dhe nuk u nenshtrohen kontrolleve mjekesore. Sot ne Perendim nuk ndodh me dicka e tille.

Binjaket me baballare te ndryshem

Binjake qe kane baballare te ndryshem? Duket si dicka e pamundur. Por ne te vertete nuk eshte keshtu, sepse edhe kjo mund te ndodhe. Natyra na rezervon surpriza te pakendshme. Nje vitin 2009 nje grua e re e befasuar nga diferenca e ngjashmerive mes dy femijeve te saj binjake vendosi qe t’u bente analizen e ADN-se. Rezultatet treguan se femijet ishin ngjizur me dy baballare te ndryshem. Gruaja e re e pranoi se kishte pasur dy raporte te pambrojtura seksuale ne nje diference prej disa oresh nga njeri-tjetri. Rezultati: te dyja vezet u fekonduan nga spermatozoide qe u perkisnin burrave te ndryshem.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Komentet (1)

Interesante

Komentoni këtë kuriozitet