Miqtë nga armiqtë dallohen që 9-muajsh

Posted by admin | Posted in Kuriozitete | Posted on 15-03-2013

0

Miqtë nga armiqtë dallohen që 9-muajshDallimi midis miqve dhe personave të padëshiruar bëhen në një moshë shumë më më të hershme nga sa është menduar më parë.

Ky ishte përfundimi i një studimi të Universitetit të Kolumbias Britanike, në Kanada.

Ndonëse studime të mëparshme kishin evidentuar se foshnjet preferojnë më shumë personat që sillen në mënyrë të përzemërt me ta, ky studim i ri është i pari që lidh sjelljet antisociale me krijimin e një refuzimi në një fazë kaq të hershme të jetës.

Në studim, foshnjet u detyruan të zgjedhin një ushqim të preferuar midis biskotave dhe perimeve.

Më pas, atyre u jepeshin dy kukulla, me secilën prej tyre që mbante në dorë një prej këtyre ushqimeve.

Duke vëzhguar sjelljen e foshnjeve, shfaqej qartë predispozita për të mbajtur afër dhe ndihmuar kukullën me të njëjtin ushqim të tyre të prferuar, ndërsa kukulla tjetër, në rastin më të mirë braktisej ose në rastin më të keq sulmohej duke u shtyrë e përplasur prej fëmijës, 9 muajsh e lart.

Në moshë më të hershme, studimi tregoi se foshnjat e kanë të vështirë të formojnë një sjellje të qartë diferencuese.

”Studimi ynë tregon se në moshën e nëntë muajve, foshnjet janë të zëna duke analizuar mjedisin që i rrethon, në përpjekje për të përcaktuar se cilët janë miqtë dhe armiqtë e tyre. Një prej mënyrave më të mira për të bërë këtë dallim bazohet mbi ngjashmëritë dhe ndryshimet e përceptuara”, deklaroi profesori Kilev Hamlin, i Departamentit të Psikologjisë në këtë universitet.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Curiosity zbulon se në Mars ka pasur forma primitive jete

Posted by admin | Posted in Kuriozitete | Posted on 14-03-2013

0

robotiRoboti i NASA-s, Curiosity ka zbuluar se në planetin e kuq mund të ketë pasur forma primitive të jetës.

Një analizë e mostrave të gurëve është kryer nga laboratori i Curiosity, duke arritur në këtë përfundim.

Shkencëtari John Grotzinger, që drejton projektin e Curiosity, thotë se është gjetur një ambient që mbështet jetën. Madje ai thotë se uji dikur mund të ketë qenë i pijshëm.

Roboti ka treguar se në gurët e ekzaminuar ka pasur sulfur, nitrogjen, hidrogjen, oksigjen, fosfor dhe karbon, disa nga përbërësit kryesorë kimikë për jetën.

Gurët për studim janë marrë aty ku mendohet se dikur ka kaluar ujë.

Tani roboti pritet të nisë një udhëtim të gjatë për në qendër të kraterit Gale, ku është pozicionuar fillimisht. Aty pritet të realizojë të tjera testime.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

I mbijeton tre cunameve, ja pisha e mrekullisë

Posted by admin | Posted in Kuriozitete | Posted on 14-03-2013

0

pemaAjo është pagëzuar ‘pisha e mrekullive’. Pema e lartë rreth 27 metra, në fakt është i vetmi ekzemplarë i një pylli rreth 70 mijë ha që ka arritur të mbijetojë nga cunami i tmerrshëm që goditi Japoninë në 2011, një katastrofë e rëndë natyrore në të cilën humbën jetën rreth 19 mijë persona. Pema e pishës i kishte mbijetuar edhe dy katastrofave të mëparshme, cunamit të 1896 dhe 1933, përveç këtij të fundit, por është tharë para gjashtë muajsh për shkak të ndryshimeve të ambjentit të zonës. Kështu, pasi pema është rrëzuar ajo është vendosur aty ku ka jetuar për rreth 173 vjet, duke u bërë një monument simbol i shpresës për të gjithë viktimat e katastrofave natyrore.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Dashuria e njerëzve shpëton 13 vjecarin nga vdekja

Posted by admin | Posted in Kuriozitete | Posted on 14-03-2013

0

vrasjaNjë fëmijë kishte vendosur që të vriste veten për shkak se jeta I ishte bërë e padurueshme pasi shokët e klasës e tallnin për vite të tëra, duke i thënë trashaluq, i shëmtuar, i bezdisshëm dhe humbës. Kështu ai poston në faqen e tij në Instagram foto të krahëve të tij të prerë bashkë me një paralajmërim se do të vriste veten ditën kur festonte ditëlindjen e 13-të.

“Data e vetëvrasjes sime, 8 shkurt, 2013, dita e ditëlindjes sime”, kishte shkruar ai.

Nëna e tmerruar e pa mesazhin dhe plagët dhe e dërgoi atë në spital për tetë ditë trajtim dhe njëkohësisht për të ndihmuar të birin ajo e ndau historinë e tij me botën. Dhe menjëherë rme mijëra persona të prekur nga historia e tij I shkruan duke e inkurajuar që të jetonte.
“Kjo e riktheu besimin tim tek njerëzimi,” thotë mamaja e vogëlushit e cili tashmë e kalon kohën duke lexuar mesazhet frymëzuese nga mbarë bota. “Isha i fokusuar në anën e keqe të njerëzve, si talljet. Më pas kuptova që ka njerëz që kujdesen për të tjerët, dhe që mund të jenë shokët e mi,” shprehet Noah npër mediat. alb-observer

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Cila sëmundje ka vrarë më shumë njerëz?

Posted by admin | Posted in Kuriozitete | Posted on 14-03-2013

0

semundjetNë botë ka qindra-mijëra sëmundje të diagnostikuara dhe po aq të pa diagnostikuara. Sëmundje që kanë marrë në qafë plot jetë të pafajshme njerëzish. Dhe pas gjithë këtyre goditjeve vjen një çast ku vetëpyetesh, për kuriozitet më shumë, se cila prej tyre ka “korrur” më shumë jetë. Ma merr mendja se shumica do të përmendte kancerin. Deri diku e logjikshme do të më tingëllonte përgjigjia, pasi kohët e fundit kjo sëmundje e tmerrshme po bën kërdinë anembanë botës, pa dallim grupmoshash.

Mirëpo, në vendin e parë të listës nuk shënohet kanceri po lija (variçela), për më shumë se 12.000 vjet ajo ka vrarë miliona njerëz. Sipas Organizatës Botërore të Shëndetësisë, në vitin 1967 u infektuan më shumë se 15 milionë njerëz, prej të cilëve 2 milionë vdiqën. Pas një fushate të suksesshme për vaksinim masiv, lija u zhdukë në vitin 1970.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Stalini nuk u vra

Posted by admin | Posted in Kuriozitete | Posted on 13-03-2013

1

staliniPrej kohësh, ka pasur dyshime mbi rrethanat e vdekjes së ish-liderit të Bashkimit Sovjetik, Josef Stalin.

Megjithatë, dokumenta të publikuara për herë të parë pas 60 vitesh godasin teoritë e konspiracionit, duke mbështetur versionin zyrtar, atë të vdekjes nga shkaqe natyrale.

Autopsia prej 11 faqesh, e dalë nga arkivat e shtetit pas përfundimit të afatit 60-vjeçar të ruajtjes së sekretit tregoi se diktatori pësoi një infarkt dhe ndërroi disa orë më vonë, pasi një hemoragji në stomak i mbushi rrugët e frymëmarrjes me gjak, duke e asfiksuar.

I konsideruar si një hero për rolin e luajtur në fitoren e BRSS ndaj Gjermanisë Hitleriane në Luftën e Dytë Botërore, por gjithashtu përgjegjës për miliona jetë të humbura sovjetike, për shkak të politikave të dështuara ekonomike dhe represionit masiv, Stalini ndërroi jetë në 5 mars të vitit 1953, në moshën 73-vjeçare.

Sipas versionit zyrtar, lideri pësoi një infarkt rreth orës 6.30 të pasdites së datës 1 mars, por për shkak të autoritetit dhe frikës të padiskutueshme që ngjallte tek njerëzit, roja në hyrje të derës pati frikë të trokiste dhe të interesohej për shëndetin e tij, deri të nesërmen në mesditë.

Për shkak të kohës tepër të gjatë pa shenja jete nga dhoma e Stalinit, roja ndërhyri me shumë vonesë, duke gjetur liderin të shtrirë në agoni, i mbuluar me gjak dhe urinën e tij.

Sipas autopsisë, në kohën kur u lajmëruan mjekët e anëtarët e tjerë të Byrosë Politike, pasditen e 2 marsit, me shumë gjasa nuk kishte më asgjë për të bërë për Stalinin, pasi infarkti i kishte shkaktuar një trompozë, që goditi rëndë funksionet në pjesën e djathtë të trurit.

Stalini kaloi edhe tre ditë të tjera në agoni në dhomën e tij, ndërsa disa prej mjekëve më të mirë, me origjinë hebrehe, ishin internuar vetëm disa muaj më parë në gulage, në një fushatë famëkeqe antisemite spastrimi të kryera nga autoritetet e atëhershme sovjetike.

Rrethanat e vdekjes së Stalinit bënë që të spekulohej për helmimin e tij apo eliminimin në ndonjë mënyrë tjetër nga anëtarë të Byrosë Politike, si ish-ministri i Jashtëm, Vlaçeslav Molotov apo shefi i NKVD-së (më pas KGB-së), Lavrenti Beria, të cilët duket se ishin të radhës në listën e spastrimeve.

Megjithatë, fashikulli mbi rrethanat e vdekjes dhe autopsia zyrtare, hedhin poshtë përfundimisht këtë mundësi.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Ja si do jetë Samsung Galaxy SIV

Posted by admin | Posted in Kuriozitete | Posted on 13-03-2013

0

samsungMë 14 Mars në orën 19:00 me orën lokale (ora 01:00 e 15 Marsit me orën tonë) në Nju Jork do të prezantohet gjenerata e re e telefonave Samsung Galaxy.

Bëhet fjalë për Galaxy SIV, pasardhësi i SIII që e shndërroi kompaninë koreano-jugore në konkurenten e denjë dhe të vërtetë të iPhone të Apple. Besnikët e Samsung prej muajsh kërkojnë të dinë se si do të jetë Galaxy i ri.

Por kompania është treguar strike me rregullat e saj duke mos zbardhur asnjë detaj, të paktën deri më tani, të produktit. Megjithatë, me sa duket ka patur një rrjedhje që mbërrin nga Kina, aty ku Samsung prodhon pjesën më të madhe të produkteve.

Në disa forume teknologjike kanë dalë disa imazhet e para se si do të jetë Samsung Galaxy SIV. Në to nuk vërehet ndonjë ndryshim i madh në paraqitje mes SIV dhe modelit paraardhës, ndërkohë që për të parë ndryshimet në funksionim dhe të rejat shtesë, duhet pritur prezantimi në Nju Jork.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg