Ekografite me myshk në muret e Moskës

Posted by admin | Posted in Kuriozitete | Posted on 24-06-2013

0

Ekografite me myshk në muret e MoskësEkografitet – mbishkrimet dhe vizatimet e realizuara me myshk, së shpejti do të zbukurojnë muret e ndërtesave administrative të Moskës. Teknika e ekografiteve është shumë e thjeshtë: ato realizohen me “bojë” që përftohet nga përzierja e myshkut, xhelit lagështirë-ruajtës dhe bazës ushqyese (kosit ose birrës). “Vizatimi” duhet të spërkatet me ujë nga një shishe spray dhe pas një jave myshku rritet.

Nëse përvoja e vizatimit me myshk do të rezultojë e suksesshme, në të ardhmen ekografitet mund të përhapen edhe në ndërtesat e tjera, ku janë vendosur organet e pushtetit ekzekutiv.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Zviceranët shpikin macen robot

Posted by admin | Posted in Kuriozitete | Posted on 24-06-2013

0

Zviceranët shpikin macen robotShkencëtarët zviceranë në Institutin e Teknologjisë në Universitetit Politeknik të Lozanës (EFPL) kanë shpikur një mace robot.Robotët mund të lëvizin në një shpejtësi prej pesë kilometra në orë dhe konsiderohet të jetë roboti më shpejt që është bërë ndonjëherë, transmeton albinfo.

Shkencëtarët thonë se elementi më interesant i këtij roboti janë këmbët, të cilat janë të bazuara te macet që kanë të njëjtat përmasa.

Auke Jan Ijspeert, drejtor i Institutit zviceran, tha se roboti është ende në fazë eksperimentale dhe se qëllimi i tyre përfundimtar është që të zhvillojë robotët e shpejtë dhe më të shkathët, të cilët mund të ndihmojnë në tërheqjen e njerëzve nga objektet dhe terrene të pakalueshme.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Bimët “dinë” të llogarisin?

Posted by admin | Posted in Kuriozitete | Posted on 24-06-2013

0

Bimët “dinë” të llogarisinBimët kanë të ndërtuar sistemin për përllogaritje matematikore, që u ndihmon të rregullojnë rezervat e ushqimit gjatë natës. Shkencëtarët britanikë thonë se ishin të “habitur” kur zbuluan përllogaritjet e sofistikuar aritmetike në biologji.

Modelet matematikore tregojnë se niveli i niseshtes që konsumojnë bimët gjatë natës është i përllogaritur me saktësi gjatë procesit në të cilin janë të përfshira kemikaliet e gjethes, thonë shkencëtarët.

Zogjtë mund të shfrytëzojnë metoda të ngjashmew për ruajtjen e nivelit të yndyrës gjatë migrimit.

Eksperimentet kanë dëshmuar se përllogaritjet te bimët janë aq të sakta, sa që janë rezultat i pjesëtimit matematikor.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Femra me këmbën më të madhe në Evropë

Posted by admin | Posted in Kuriozitete | Posted on 03-06-2013

0

Femra me këmbën më të madhe në EvropëKjo është femra me këmbën më të madhe në Evropë. Ema Kahil nga Uorsteri, Angli, i ka shputat 33 centimetra të gjata.

“E kam të pamundur të gjej këpucë me numër 48.5”, shprehet 19-vjeçarja.

“Kam nja dy palë me taka të larta, por jo ndonjë gjë për të qenë. Do të doja shumë të vishja këpucë të bukura si të gjitha vajzat e tjera”, cuton ‘Start’ deklaratën e saj.

Pjesën më të madhe të këpucëve ajo e merr në një dyqan të posaçëm në Gjermani, duke shpenzuar mesatarisht 100 stërlina për palë.

Përmasat e këmbëve të Emës ishin të tejrritura që kur ajo ishte 9 vjeç.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

“Pilula magjike” që iu jepte nazistëve fuqi mbinjerëzore

Posted by admin | Posted in Kuriozitete | Posted on 03-06-2013

0

Pilula magjike që iu jepte nazistëve fuqi mbinjerëzoreInvadimi i Gjermanisë gjatë Luftës së Dytë Botërore shkaktoi drojë dhe frikësim të madh të Evropës para ushtarëve të Rajhut të tretë. Mirëpo, hulumtimet më të reja tregojnë se ushtarët gjermanë nuk janë inspiruar vetëm nga retorika e zjarrtë e Hitlerit, por përkushtimi i tyre në luftë ishte pjesërisht pasojë edhe e pilulave të quajtura “Pervitin”.Në etiketë të këtij ilaçi shkruante se mjeti shërben për rritjen e “gatishmërisë” dhe se duhet marrë në mënyrë që të “ruhet syçeltësia” sot kjo substancë njihet si metamfetamin apo met i kristaltë.

Në periudhën e viteve 1939-1945 janë shpërndarë rreth 200 milionë pilula të tilla, të cilat ushtarët i quanin “çokollata tanke”.

Shtypi anglez në atë kohë raportonte se se ushtarët gjermanë marrin “pilula magjike” Është e njohur që e edhe vet Hitleri merrte dozë të kësaj droge por në mënyrë intravenoze.

Gjendja reale ishte shumë më e keqe – ushtarët vuanin nga varësia e madhe. Ndonëse pilulat iu lejonin të jenë të qëndrueshëm për intervale bukur të gjata të aktiviteteve fizike intensive, dukuritë anësore ishin të tmerrshme, alivanosje, djersitje, depresion dhe halucinacione.

Si transmeton Koha.net një shkrim të gazetës D. Avaz, disa nga ushtarët kishin probleme fatale me zemër, ndërsa disa të tjerë bënin vetëvrasje gjatë episodeve psikotike.

Për seriozitetin e pasojave që “Pervitin” linte në ushtarët dëshmojnë edhe përpjekjet e Leonardo Contit, njërin nga ekspertët liderë shëndetësorë të Rajhut të tretë, për të kufizuar përdorimin e këtij narkotiku, por ato ishin të kota.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

10 fakte që nuk i dini për Korenë e Veriut

Posted by admin | Posted in Kuriozitete | Posted on 03-06-2013

0

10 fakte që nuk i dini për Korenë e VeriutShumica prej nesh dinë që Koreja e Veriut keqtrajton qytetarët e saj. Njerëzit e Kim Jong-i vuajnë nga uria në një kohë kur pasuria e tij neto vlerësohet 5 miliardë dollarë. Bashkëshortja e tij, Ri Sol-ju është parë duke mbajtur një kuletë “Dior”, e cila kushton 1 594 dollarë, që është e barabartë me pagën vjetore mesatare të një banori të këtij vendi. Edhe pse ky vend mbetet një nga më të izoluarit në botë, disa fakte që i sjell Shekulli online janë interesante dhe pak të njohura për publikun e gjerë.

1. Marijuana është e ligjshme dhe nuk klasifikohet edhe si drogë

Nuk ka asnjë tabu rreth pirjes së Marijuanës në Korenë e Veriut. Shumë prej vendasve e përdorin rregullisht. Përdorimi dhe shpërndarja e drogave të forta është dënuar me vdekje, por marijuana klasifikohet si barishte e bohemëve dhe nuk është konsideruar si një drogë.

2. Gjashtë ushtarë amerikanë kanë mbetur në Korenë e Veriut prej vitit 1962

“Isha ngopur me fëmijërinë time, martesën time, jetën e ushtarakut, çdo gjë. Isha një njeri i mbaruar. Kisha vetëm një vend për të shkuar”, thotë James Dresnok, i fundit dezertor i gjallë në Korenë e Veriut. Në gusht 1962, ai u largua në një fushë të minuar dhe marshoi në Korenë e Veriut. Menjëherë pas mbërritjes së tij, Dresnok u takua me Larry Allen Abshier, një tjetër spiun amerikan. Janë katër prej tyre: Abshier, Jerry Parrish, Charles Robert Jenkins, dhe Dresnok. Burrat kanë jetuar së bashku dhe kanë marrë pjesë në përpjekjet propagandistike në emër të qeverisë së Koresë së Veriut. Ata u shfaqën në kopertinat e revistave dhe altoparlantëve të përdorura për të bindur ushtarët amerikanë të dezertojnë.

3. Koreja e Veriut është vendi i vetëm në botë që ka kapur një anije të marinës amerikane

Më 23 janar 1968, në ujërat ndërkombëtare më shumë se 15 milje nga Koreja e Veriut, Pueblo USS, një anije elektronike e inteligjencës, ishte rrethuar nga nëndetëse dhe një anije silurë, me avionë MiG nga sipër. Marinarët në Pueblo u rrethuan dhe u burgosën. Ndërsa u shfaqën pamje propagande duke treguar trajtim të drejtë, realiteti ishte shumë më keq. Ekuipazhi duroi urinë dhe torturat për gati një vit. Përfundimisht, qeveria e Koresë së Veriut vendosi të lirojë të gjithë anëtarët e ekuipazhit. Pueblo mbahet ende nga Koreja e Veriut.

4. Koreja e Veriut nuk është më “komuniste” zyrtarisht

Në vitin 2009, referimet ndaj komunizmit, ishin hequr nga kushtetuta e vendit dhe “Juche” u bë ideologjia zyrtare shtetërore, duke zëvendësuar marksizëm-leninizmin, kur vendi miratoi një kushtetutë të re në vitin 1972. Krijuar nga Kim Il-Sung, ajo thekson se masat Koreane janë zotërit e zhvillimit të vendit, me një theks të veçantë në politikë, ekonomi dhe mbrojtëse të vetë-qëndrueshmërisë.

5. Nuk është viti 2013, por 102!

Kalendari Juche u prezantua në vitin 1997 dhe është i bazuar në datën e lindjes së Kim Il Sung: 15 Prill, 1912. Këtë vit e referuan si Juche 1 dhe sistemi fillon që atje, ndërsa mbahen muajt tradicionale të kalendarit gregorian dhe numri i ditëve në një muaj.

6. Koreja e Veriut ka stadiumin më të madh në botë

Aktualisht përdoret për futboll dhe ndeshje sportive, por më shpesh për performancat si “Mass Games”. Stadiumi mbushet më 1 Maj me 150 mijë njerëz. Stadiumi ndodhet në Penian dhe u ndërtua në vitin 1989. Në fund të viteve 1990, një numër i gjeneralëve të ushtrisë së Koresë së Veriut të implikuar në një atentat ndaj Kim Jong-il u ekzekutuan me anë të djegies në stadium.

7. Në vitin 2012, arkeologët e Koresë së Veriut njoftuan se kishin zbuluar vendbanimin e një njëbrirëshi

Në nëntor të vitit 2012, arkeologët e Koresë së Veriut pretenduan se kishin zbuluar një varr mitik njëbrirëshi, që i përkiste mbretit Tongmyong, themelues i mbretërisë së lashtë Koreane. Njoftimi u bë nga ana e Institutit të Historisë të Akademisë së Shkencave Sociale DPRK, e cila raportoi se varri u gjet 220 metra nga një tempull në Penian. “Një shkëmb drejtkëndëshe gdhendur me fjalë para varrit. Fjalët e gdhendura besohet të datohen në periudhën e mbretërisë Koryo (918-1392)”, thuhet në raport. “Tempulli ka shërbyer si një pallat lehtësimi për mbretin Tongmyong, në të cilën ka varrin edhe bualli i tij.”

8. Ka 51 “kategori sociale” ku renditet besnikëria e tyre ndaj regjimit

Bazuar në prapavijën politike, sociale dhe ekonomike të paraardhësve të drejtpërdrejtë, si dhe sjellja nga të afërmit, “Songbun” – një sistem i Koresë së Veriut nga statusi i atribuuar – është përdorur për të përcaktuar nëse një individ është besuar me përgjegjësi, ka mundësi brenda vendit, apo duhet të marrë ndihmë sociale. Songbun ndikon në qasjen ndaj arsimit dhe punësimit dhe veçanërisht, nëse një person ka të drejtë për t’u bashkuar me partinë e Koresë së Veriut qeverisëse, nga Partia e Punëtorëve të Koresë.

9. Në kufi, ka një qytet fantazmë

Sipas qeverisë koreane, fshati i Kijongdong, vendosur në veri të zonës të demilitarizuar (DMZ), përmban një fermë me rreth 200 familje kolektive, e cila ka një qendër të kujdesit për fëmijët, çerdhe, shkollë fillore dhe të mesme, dhe një spital. Megjithatë, vëzhgimi nga Jugu sugjeron se ky është në fakt një qytet fantazmë, krijuar për të inkurajuar tradhtarët e Koresë së Jugut. Deri në vitin 2004, altoparlantët masivë montuar në disa prej ndërtesave dërgonin vazhdimisht propagandistike që lidhen me virtytet e veriut duke u bërë thirrje ushtarëve të pakënaqur dhe fermerëve thjesht të kalojnë përtej kufirit për t’u pranuar si vëllezër.

10. Hoteli më i lartë në botë që u kthye në piramidë bosh

Me 105 kate, Hotel Ryugyong ishte projektuar për të qenë hoteli më i lartë në botë në fund të viteve ‘80, por ndërtimi u ndërpre në vitin 1992, pasi vendi hyri në një periudhë krize ekonomike pas rënies së Bashkimit Sovjetik. Gazetat japoneze vlerësuan se kostoja e hotelit ishte 750 milionë dollarë, e cila është 2% të GDP-së Koresë së Veriut. Për mbi një dekadë, ndërtesë e papërfunduar mbeti bosh dhe pa dritare, duke u shfaqur si një guaskë masive prej betoni. Në fund të viteve 1990, Bashkimi Evropian dhe Dhoma e Tregtisë në Kore inspektuan ndërtesën dhe arritën në përfundimin se struktura ishte “e pariparueshme.”

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Tigri miqësohet me dhinë

Posted by admin | Posted in Kuriozitete | Posted on 02-06-2013

0

Tigri miqësohet me dhinëKy është tregimi mbi thyerjen e barrierave ndërmjet armiqve natyralë në mbretërinë e kafshëve. Një tigër i uritur ka dëshmuar se dashuria dhe miqësia për të janë më të rëndësishme se barku i mbushur.

Tigri i Bengalit i quajtur Bangaram ka shpëtuar që klysh, pasi mbeti jetim më 2009, kur iu zhduk e ëma. Ai u gjet në një zonë të pyjeve të Dabas dhe qysh atëherë ndodhet në një strehimore për kafshët e egra.

Një ditë, kur kishte ardhur koha e drekës, Bangarami tregoi se jo vetëm e kishte braktisur xhunglën, por edhe ligjet e xhunglës për të nuk vlenin më.

Personeli kishte planifikuar që tigrin, sapo të bëhet i pavarur, t kthejë në natyrë, prandaj ia kishin kultivuar instinktin e origjinës duke i lejuar të gjuante prenë, të cilën paraprakisht e kishin lëshuar në rezervat. Për atë ditë në meny kishte pasur dhi, por kjo drekë kishte pësuar kthesë të papritur. Në vend se ta hante, Bangarmi ishte miqësuar me të.

Ndonëse ishte i uritur, tigri kishte kaluar dy ditë duke luajtur me dhinë, pa dhënë asnjë shenjë armiqësie a agresiviteti.

Ky zhvillim i pazakonshëm kishte bërë që personeli të mëdyshje nëse duhej që tigri me prirje miqësore do të mund të mbijetonte në natyrë, prandaj për një kohë vendosi të shtyjë për një kohë kthimin e tij në xhungël.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg