15 pyetje qesharake që na bëjnë çdo ditë dhe 15 përgjigje që nuk i japim dot

Posted by admin | Posted in Kuriozitete | Posted on 26-01-2013

0

pyetjetNë jetën tonë të përditshme, përballemi plot herë me ca pyetje që janë fare, po fare pa vend. Për shembull, sa hyn në shtëpi, të pyesin erdhe? E ti ose hesht ose përgjigjesh për inerci: Po erdha. Paçka se të vjen ndër mend ndonjë përgjigje e tipit “Jo mo çne, është sozia ime, unë jam në Hënë”.

Dhe kështu, fjalori ynë i përditshëm, duam apo nuk duam, është mbushur me të tilla pyetje dhe shprehje rutinë, që në më të shumtën e rasteve nuk duan përgjigje. Ose nëse do t’ua kthesh, mund të ndezësh sherr.

Më poshtë gjeni 15 pyetje nga më qesharaket që bëhen thuajse çdo ditë dhe 15 përgjigje alternative, që sigurisht asnjë prej nesh nuk duhet t’i përdorë, të paktën seriozisht jo!

1. Sapo je kthyer në shtëpi dhe kur hyn brenda të pyesin:

- Erdhe?

(Jo, në rrugë jam akoma dhe nuk vij!)

2. Të marrin në telefon te numri i shtëpisë

- Hë mo në shtëpi je?

(Jo jam në arë duke lëruar tokat!)

3. Takohesh me një shok:

- Hë mo ku je?

(Te cepi matanë jam, te sytë që të dalin!)

4. Shkon në banjë dhe bën gati dushin:

- Do bësh dush?

(Jo e ndeza kot që të harxhojë ca drita)

5. Vishesh dhe bëhesh gati të dalësh, kur dëgjon:

- Po del?

(Jo, po provoj rrobat si më rrijnë mbas trupit)

6. Ha pjatën me gjellë që të është vënë përpara, kur të thonë?

- Të pëlqeu?

(Jo s’më pëlqeu po s’desha me të mërzit!)

7. I thua shokut që ke gjetur një të dashur dhe të pyet:

- E mirë është?

(Jo, po dal se e kam në vend të hudhrës!)

8. Vjen hidrauliku që ke kërkuar për lavamanin në shtëpi dhe e pyet:

- Për lavamanin erdhe?

(Jo, kam ardhë për të varur perdet e reja!)

9. Afër mesnate, vesh pizhamet a tutat, u thua njerëzve në shtëpi natën e mirë dhe shkon për në krevat dhe të pyesin:

- Po shkon të flesh?

(Jo, po shkoj të bëj beton te pallati që po ngrihet përballë!)

10. Ulesh në një lokal dhe vjen një shok:

- Këtu qenke?

(Jo, është hija ime, unë jam në Hënë!)

11. Shkon te karburanti, afron makinën te benzina dhe hap kapakun, kur të pyesin:

- Benzinë do?

(Jo, futi limonadë!)

12. Ke humbur çelësin dhe vjen dikush i shtëpisë pas nja dy orësh. Hap derën dhe të pyet:

-Paske mbetur brenda?

(Jo, isha duke studiuar derën si e kanë prodhuar!)

13. Të marrin nga darka në telefon, e hap e përgjigjesh dhe të thonë:

- Zgjuar je?

(Jo mo çne, jam duke folur përçart në gjumë!)

14. Je në divan përpara televizorit dhe të pyesin:

- Po sheh televizor?

(Jo po vras mizat dhe po vështroj yjet!)

15. Je sallaks (mëngjarash) (person që shkruan me dorën e majtë) dhe vë një firmë, kur të pyesin:

- Qenke sallaks?

(Jo m’u lodh e djathta e thashë t’ia fus me të majtën tashti!).

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Çudia, lindi 2 fëmijë brenda 9 muajsh!

Posted by admin | Posted in Kuriozitete | Posted on 26-01-2013

0

2Shumë i veçantë dhe i çuditshëm është rasti i një nëne 26-vjeçare, e cila lindi dy fëmijë brenda 9 muajsh. E veçanta me Claire Ormrod është se fëmijët e saj nuk ishin binjakë dhe lindën njëri pas tjetrit brenda 9-mujorit.

Kështu, ata do të jenë në të njëjtën klasë në shkollë, pasi janë me diferencë moshe disa muaj nga njëri-tjetri.

Por akoma më i çuditshëm është fakti që Claire mbeti shtatzënë dy herë, ndërkohë që merrte hape mbrojtëse.

Nëna e re solli në jetë vajzën e saj Alice më 6 dhjetor 2011. Vogëlushja peshonte gjysmë kg dhe ishte fëmija më i vogël që kishte lindur ndonjëherë në Wells.

Shtatë javë më vonë, ajo kishte mbetur përsëri shtatzënë, edhe pse merrte hape kundër shtatzënisë.

Më 7 shtator 2012 ajo lindi një djalë të shëndetshëm. Mjekët që ndoqën rastin e saj bëjnë me dije se kishin mbetur të çuditur nga kjo histori.

Claire dhe bashkëshorti i saj kanë edhe 3 fëmijë të tjerë: Molly 7 vjeç. Jack 5 vjeç dhe Charlie 2 vjeç.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

NASA kërkon energji të errët

Posted by admin | Posted in Kuriozitete | Posted on 26-01-2013

0

1Agjencia Hapësinore Amerikane (NASA) iu bashkua zyrtarisht projektit të teleskopit europian “Euclid” për kërkimin e energjisë së errët, thuhet në njoftimin e Agjencisë Hapësinore Europiane (ESA).

Teleskopi “Euclid”, i planifikuar të punojë për 6 vjet, do të kërkojë gjurmët e ekzistencës së një substance hipotetike që besohet të jetë përgjegjëse për zgjerimin e “përshpejtuar” të Universit.

Lëshimi i “Euclid” në orbitë është planifikuar në vitin 2020 nga kozmodromi “Kourou” në Guianan Franceze. Teleskopi do të lansohet në orbitë me raketëmbajtësen ruse “Sojuz”.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

13-vjeçarja rrihet barbarisht nga shoqet se u vodhi…të dashurin

Posted by admin | Posted in Kuriozitete | Posted on 25-01-2013

0

dhunaNjë 13 vjeçare në Pisano të Italisë është masakruar nga tre bashkëmoshataret e veta, pasi ka dalë nga shkolla. Sipas mediave italiane, 13-vjeçarja është rrahur me shkelma dhe është tërhequr zvarrë, pasi sipas njërave prej vajzave dhunuese, ajo i kishte marrë të dashurin.

Për fat aty pranë është ndodhur një prind që kishte vajtur për të marrë fëmijën e vet nga shkolla, ndryshe pasojat mund të ishin më të rënda. 13-vjeçarja ka përfunduar në spital me plagë të rënda, ndërkohë që familjarët e saj kanë vendosur që të padisin tre agresoret e saj, me të cilat ka qenë shoqe.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Rita Ora nuk do të vijë në Prishtinë më 17 shkurt

Posted by admin | Posted in Kuriozitete | Posted on 25-01-2013

0

RitaVideoklipi i këngës “Shine Ya Light”, të cilin ylli botëror i muzikës, këngëtarja me origjinë shqiptare Rita Ora, e xhiroi në Prishtinë, nis me lajmin që jep djaloshi: “Rita po vjen, Rita po vjen”. Por, ajo nuk do të vijë në Prishtinë. Së paku jo për një koncert në pesë vjetorin e pavarësisë së Kosovës, për të cilin i kanë bërë ftesën institucionet kosovare.

Ministri i Kulturës, Memli Krasniqi, i cili prin Këshillit Organizativ të aktiviteteve festive të jubileut, ka dhënë lajmin. Ai ka thënë se Rita Ora nuk do të jetë në Prishtinë, për shkak të angazhimeve të saj, raporton Koha Ditore.

Këngëtarja e njohur shqiptare pranoi që të vinte në Shqipëri më 28 nëntor, ku mbajti një koncert entuziast me rastin e 100-vjetorit të Pavarësisë së Shqipëisë.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Humb hundën, mjekët ia mbjellin në krah

Posted by admin | Posted in Kuriozitete | Posted on 25-01-2013

0

2Për shkak të kancerit në lëkurë, një burrë britanik i moshës së mesme humbi gjithë hundën e tij, “të ngrënë” nga tumori në vitet e fundit.

Por që prej disa muajsh, një hundë e re po rritet…në krahun e tij. Kjo falë përdorimit të qelizave staminale të tij dhe një proteze që një grup mjekësh britanikë “i mbollën” në krah.

Sapo të mbushen gjashtë muaj nga mbjellja, periudha e nevojshme që doktorët mendojnë se u duhet qelizave staminale të shumëfishojnë vetveten deri në atë pikë sa hunda e re të jetë maturuar, pacienti do t’i nënshtrohet operacionit duke i hequr hundën nga krahu e duke ia vendosur aty ku e ka vendin…në hundë.

Operacioni është i pari i këtij lloji në të gjithë botën dhe mjekët britanikë thonë se suksesi i tij mund të hapë dyer të reja për mjekësinë duke u ardhur në ndihmë të aksidentuarve, apo të plagosurve në luftë.

Gjithsesi, operacione të ngjashme ka edhe në të shkuarën. Në vitin 2001, një grup mjekësh amerikanë, i rritën nën lëkurë hundën një vajze në Skoci, por ndryshe nga rasti në fjalë, atëherë “mbjellja” u krye në vendin e duhur dhe jo në pjesë të tjera të trupit.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg

Eh, ç’të bën dashuria! Gjyshja humbet pasurinë e familjen

Posted by admin | Posted in Kuriozitete | Posted on 25-01-2013

0

1Një gjyshe nga Britania e Madhe shiti shtëpinë e saj dhe humbi të gjitha kursimet, pasi e braktisi i dashuri i saj, shumë vjet më i ri.

Pat Ekins, 50 vjeç, u marros nga dashuria ndaj një turku, të cilin e njohu gjatë pushimeve në Marmara.

28- vjeçari Ibrahim Halin kishte nevojë për para për një lokalin e tij në Turqi.

Ekins shiti shtëpinë e saj në Britani dhe bashkë me kursimet, ia dorëzoi të dashurit.

Por sapo paratë kaluan në llogarinë bankare të Ibrahimit, ai u zhduk.

“Shkova në Turqi dhe transferova të gjithë paratë në llogarinë e tij. Ai u largua nga apartamenti, duke thënë se do të kthehej, por nuk u kthye. Ditën tjetër e kuptova se çfarë kishte ndodhur.

Ishte e tmerrshme. Mendova se ishim të lumtur. Preka fundin,” thotë Ekins, që i dha turkut 70 mijë sterlina.

Ajo fjeti në dyshemenë e një berberhane në Turqi, pasi nuk kishte më para. Një mikeshë i bleu një biletë për tu kthyer në Britani.

Por aty gjërat u bënë më keq, pasi familja e braktisi, duke qenë se ajo e kishte shitur shtëpinë pa u treguar atyre.

“Kisha thyer zemrën e vajzës sime. Pasi humba gjithçka, nisa të fle në park dhe të kërkoj në kazanë plehrash për ushqim,” thotë ajo.

Pas vuajtjeve të shumta, ajo u pranua në një shtëpi bamirësie.

Tani jeta e saj është sistemuar. Me të bijën komunikon dhe ajo i dërgon fotot e nipave. Por për ta vizituar nuk e ka vizituar akoma.

Publikoje ne:
  • Postoje tek Kapsit
  • Bookmark tek RuajFaqet
  • Postoje tek Ngjarjet
  • Facebook
  • Digg