Ç’nuk bëhet për një biletë Botërori. Kështu, një cift nga Afrika e Jugut, Maurice Meyer, 32 vjeç dhe e shoqja Nicole, 30, kaluan me not një lum të rrezikshem plot me krokodilë, vetëm e vetëm për të fituar çmimin e parë, që konsistonte në një biletë “VIP” për finalen e madhe të Kupës së Botës 2010.

Sipas mediave afrikano-jugore, Maurice, një tifoz i çmendur futbolli nga Nelspruit, ka arritur të kalojë me sukses lumin, duke pronësuar biletën që kushton plot 13 mijë dollarë.

E frymëzuar nga dëshira e të shoqit, në këtë iniciativë e shoqëroi edhe gruaja, e cila nuk ka dashur ta lërë vetëm.

Konkursi u bë i ditur nëpërmjet një radioje lokale dhe dy 30-vjeçarët vendosën të marrin pjesë duke ia hedhur pa probleme dhëmbëve të aligatorëve.

Në fakt, në mbrojtjen prej tyre një rol të rëndësishëm luajti edhe i vëllai i Maurice, pasi ai i ndoqi me një armë, duke u munduar të mbajë larg rrezikun e madh.