Policia në jug të Rusisë po heton një cështje që ka të bëjë me keqtrajtim të kafshëve, pasi një gomar fluturoi i lidhur në një balonë që shërbente për reklama.

Gomari u ngrit në qiell që javën e kaluar nga disa biznesmenë që shpresonin të tërhiqnin njerëzit në plazhet e tyre private.

Dëshmitarë pranë plazhit, në Detin e Azovit, thanë se kafsha ulërinte nga frika. Ndërsa sipas policisë, kafsha është ulur në det, prej nga është nxjerrë në breg me anë të një varke.

Gomari bërtiste dhe fëmijët qanin. Askujt nuk i shkoi në mendje të lajmëronte policinë”, ka deklaruar zëdhënësja e policisë, Larisa Tuchkova.