Aplikacionet që të lejojnë tu tregosh miqve të tu në Facebook apo Twitter se ku ndodhesh po rriten gjithmonë e më shumë në sasi dhe cilësi. Rrjedhimisht po rritet gjithmonë e më shumë edhe përdorimi i tyre nga fansat e këtyre rrjeteve shoqërore.

Duket se aeroportet janë vendet ku njerëzit përdorin më shumë këto aplikacione për arsye se kanë më shumë kohë të lirë për tu marrë me vogëlsira si pasojë e pritjeve të fluturimeve dhe për arsye se udhëtimet të bëjnë më interesant.

Të dhënat ditore të Facebook Places tregojnë se Shtetet e Bashkuara të Amerikës janë në krye me 750 mijë regjistrime në ditë. Ndjek Britania e Madhe me 100 mijë dhe më pas Gjermania, Suedia dhe Italia.

Vendi me numrin më të madh të rezultateve është aeroporti ndërkombëtar i Los Angeles, i ndjekur nga aeroportet e Atlanta, Chicago dhe San Francisko. Vetëm në vend të 16 aeroporti i Amsterdamit (Hollandë). Pra, për momentin ky është një fenomen i përhapur më shumë në SHBA, por pritet që të përfshijë gjerësisht edhe Europën.

Ja 10 vendet me më shumë regjistrime në Facebook:

1. Los Angeles International Airport
2. Hartsfield-Jackson Atlanta International Airport
3. Chicago O’Hare International Airport
4. San Francisco International Airport
5. Dallas/Fort Worth International Airport
6. Denver International Airport
7. Sydney Airport (Australi)
8. Phoenix Sky Harbor International Airport
9. McCarran International Airport
10.Suvarnabhumi International Airport (Bangkok)

Një student italian është përfshirë në librin e rekordeve “Guinnes”, për postimin me më shumë komente ndonjëherë në “Facebook”.

I quajtur Roberto Esposito, 26-vjeçarit i mbërritë më shumë se 389 mijë komente në tre muaj, midis janarit dhe marsit 2011. Duke llogaritur komentet e dyfishta, numri i komenteve shkoi deri në 540 mijë.

Për të arritur këtë rekord krejt të veçantë, Roberto është ndihmuar edhe prej tre faqeve të tij personale në internet, me barcaleta dhe video nga incidente qesharake.

”Shkruajtën gjithçka, disa luajtën mendsh. Më pas, u shndërrua e lehtë të shtohej numri i postimeve pasi hynë edhe njerëz që donin të shfrytëzonin postimin për arsye publicitare. Në çdo një mijë komente, unë shtoja një nga vetja, duke i nxitur njerëzit që të vazhdonin të shkruanin ende. Më pas, postimet u shndërruan në një chat ku shkruhej çfarëdo. Statusi fillestar humbi krejtësisht dhe nëpër të dolën me mijëra tema të tjera”.

I lodhur nga rrjeti shoqëror? Dëshiron të dalësh nga Facebook? Ndoshta ju nuk jeni i vetmi.

Të shqetësuar për privatësinë ose ndoshta thjeshtë të mërzitur nga përdorimi i kësaj faqje, 100.000 britanikë janë shprehur se kanë ç’aktivizuar profilin në facebook muajin e fundit.

Të dhënat janë negative për drejtuesit e këtij rrjeti edhe në SHBA, ku 6 milionë njerëz janë larguar prej tij (numri i përdoruesve ka rënë nga 155.2 milion në 149.4 milion).

Afrimi i përdoruesve të rinj është ulur në dy muajt e fundit dhe tashmë facebook do të përqendrohet tek vendet në zhvillim për të arritur objektivin e saj – 1 miliard përdorues.

Më herët, këtë vit drejtues të rrjetit bënë të ditur se në Britaninë e Madhe kishin arritur 30 milion përdorues, pra gjysma e popullsisë.

Kohët po ndryshojnë dhe duket se po vjen ajo që kishin parashikuar ekspertët. Përdoruesit e rrjeteve shoqërore janë të përkohshëm, ata zakonisht mërziten shpejt nga përdorimi i tyre.

Një gjë e tillë ka ndodhur edhe në të kaluarën. Numri i përdoruesve ka rënë dhe në Kanada, me 1.5 milion si dhe në Rusi dhe Norvegji me nga 100.000.

Por nuk ka vetëm lajme të këqija për drejtuesit e facebook, pasi në vendet në zhvillim si Meksikë dhe Brazili, numri i përdoruesve vazhdon të rritet, transmeton Shekulli.

Nese jeni dashamires karshi gjysherve tuaj, sot mund te beni dicka te mire per ta. Blijini nje kompjuter, mesojuni te navigojne ne internet dhe regjistrojini ne facebook.

Rrjetet sociale on-line shfaqen te dobishme edhe per njerezit mbi 65 vjec. Rreth nje milion e gjysem persona qe i perkasin moshesh se trete jane sot perdorues te facebook-ut, te cilin e perdorin per te mbajtur kontaktet me familjen dhe miqte e tyre.

Studimi i fundit i prezantuar gjate Kongresit AIP te Gardone Riviera-s, ne Itali evidenton se perdorimi i kompjuterit dhe kryesisht i facebook-ut, ndikon ne menyre pozitive ne reduktimin e shqetesimeve me kujtesen dhe plakjen e trurit te individeve ne moshe te thyer, me ane te stimulimeve te shumta.

Një egjiptian i paemëruar e ka quajtur vajzën e porsalindur sipas rrjetit të njohur social. Ky egjiptian ka konfirmuar për gazetën “Al Ahram” se vajzën e ka quajtur Facebook Jamal Ibrahim.

Rrjetet shoqërore kanë luajtur rol të madh në revolucionin e mëparshëm në Egjipt, që ka 5 milionë përdorues të Facebook-ut. Revolucionit në “rrjet” i janë kushtuar 32 mijë grupe të ndryshme dhe 14 mijë faqe të veçanta.

Pas dorëheqjes së presidentit Hosni Mubarak, në Kajro në shenjë mbështetje për vetë projektin kanë shkruar grafitin “Faleminderit Facebook”.

Një shqiptar në Shtetet e Bashkuara të Amerikës me 340 miq në Facebook, ka vendosur që të padisë gjigandin e internetit për shkak se i ka mbyllur llogarinë që kishte hapur aty, pa asnjë shpjegim.

Mustafa Fteja kërkon 500 mijë dollarë si dëmshpërblim për këtë çështje.

“E kisha Facebook për një qëllim- për të mbajtur kontakte me familjen time,” thotë Fteja, që ka shkuar në SHBA para 17 vitesh.Fteja, 30 vjeç, mësoi në shtator se llogaria e tij ishte çaktivizuar.

“Di vetëm një gjë- nuk kam bërë asgjë,” tha dje ai. Nuk kam dhunuar asnjë rregull a ligj.”

Në akuzën e tij, depozituar në Gjykatën Supreme të Manhattan-it, ai akuzon Facebook se nuk i është përgjigjur kërkesave të vazhdueshme të tij për të mësuar se përse ishte hequr nga faqja.

Fteja, mysliman, gjithashtu akuzon kompaninë për diskriminim fetar.

Facebook nuk i është përgjigjur kërkesave të mediave amerikane për një koment.

Përdoruesit e Facebookut, tani mund të lidhen ‘on line’ me mbretëreshën Elizabet II, falë lançimit të një faqeje të Monarkisë Britanike në rrjetin social.

Miliona përdorues, do të jenë në gjendje të ndjekin lajmet, fotografitë por edhe videot mbretërore. Përdoruesit nuk do të kenë mundësi që të bëhen shokë apo shoqe me Mbretëreshën, por brenda një ore, numri i kërkesave dhe vizitave të faqes së Elizabetës II i kaloi 41 mijë klikimet.

Monarkia Britanike ka gjithashtu edhe një llogari në rrjetin tjetër social Tuiter si dhe një tjetër në YoutTube. Sipas analistëve mbretëror, ky publikim është një avantazh tjetër për zhvillimet e reja të Monarkisë.

Nuk ka qenë e lehtë për hapjen e kësaj faqeje, pasi monarkia ka ndjekur procedura tepër strikte dhe gjyqësore, për të ruajtur fort materialet e saj nga shpërdorimet e mundshme nga përdoruesit apo hakerat kompjuterikë.

Dështon iniciativa e “QuitFacebookDay.com” e cila ftoi të gjithë përdoruesit e Facebook që të largoheshin nga rrjeti popullor social.

Vetëm 34 mijë përdorues i janë bashkangjitur nismës, një shifër shumë e ulët kjo krahasuar me 540 milionë adresa të hapura.

Megjithatë nga të larguarit ka patur shfryrje te minutave të fundit…njëri prej tyre shkruan: “Edhe pse Facebook ndihmon për të takuar miqtë e vjetër, njerëzit harrojnë të të thonë mirupafshim”…ndërsa një tjetër ankohet se rrjeti social i ka marrë shumë orë të ditës së tij pa kuptuar ndaj largimi njëherë e përgjithmonë do ta shpëtonte nga kjo varësi.

Por Facebook nuk është i pazëvendësueshëm; përdoruesit e rrjetit social shohin dhe janë në kërkim të alternativave të tjera. Gjatë këtyre javëve është folur shumë për projektin ‘Diaspora’, iniciativën e katër të rinjve njujorkezë, të cilët duan të hapin një rrjet social të decentralizuar, më të hapur dhe transparent nga ata aktualët dhe besohet se do të aktivizohet në fund të verës.

Osama bin Laden

Gazeta britanike “the Sun” shkruan se Bin Laden ka përdorur Facebookun për t’ua përcjellë militantëve video xhirimet dhe fjalimet e tij.

Përndryshe besohet se lideri i Al-Qaidas, i cili kërkohet me vite dhe koka e të cilit vlen disa milionë dollarë, fshihet në malet ndërmjet Pakistanit dhe Afganistanit.

Ekspertët e sigurisë i bënë thirrje pronarëve të Facebookut të fshinë profilin e Bin Ladenit. Profili është hequr kohë më parë, ndërsa mediat raportojnë se faqja ka qenë aktive deri para një muaji dhe kishte më shumë se 1.000 friends.

Per here te pare pas shume vitesh hegjemonie totale, Google humbet fronin e kryesimit te faqeve me te klikuara ne Shtetet e Bashkuara te Amerikes.

Sipas hetimit te “HitWise”, Facebook i ka rrembyer kryesimin javen e shkuar gjigandit nga Mountain View. Blogu me i madh ne bote ka arritur te terheqe vemendjen e 7.07 % te perdoruesve te internetit ne SHBA.

Nga ana tjeter, Google nuk ka shkuar me shume se 7.03 %. Kjo eshte hera e pare qe Google sfidohet nga nje faqe interneti pas shume vitesh.