Një krokodil në një kopsht zoologjik në afërsi të Sidneyt në Australi sulmoi makinën për kositjen e barit.

Megjithëse sulmi i kushtoi dy dhëmbë, reptili 5 metra i gjatë nuk e lëshoi kositësen derisa e zhyti në ujë pranë vetes dhe nuk lejonte njeri t’i afrohej.

Krokodili 50-vjeçar, një nga më të mëdhenjtë në New South Wales, është i njohur për karakterin luftarak dhe sheh si kërcënim çdo gjë, përfshirë edhe reptilët femra, dy nga të cilat i ka ngrënë.

Pas përmbytjeve që kanë përfshirë Tajlandën ditët e fundit, banorët e Ajutahës, në veri të Bangkokut, duhet të përballen tashmë edhe me krokodilët.

Qindra ekzemplarë kanë arritur të largohen nga vendet e mbarështimit duke përfituar nga rritja e nivelit të ujrave dhe tashmë janë të lirë në qytet. Autoritetet kanë ofruar 25 euro shpërblim për çdo krokodil të kapur nga banorët e zonës.

“Krokodilët duhet të kapen për sigurinë e banorëve. Po bashkëpunojmë me departamentin e peshkimit për të zbuluar se në çfarë zonash ndodhen. Përveç krokodilëve rrezikohemi edhe nga gjarpërinjtë dhe tigrat”, ka bërë të ditur ministri i Shëndetësisë, Vitthaya Buranasiri.

Përmbytjet që përfshinë Tajlandën janë më të rëndat e dhjetëvjeçarëve të fundit dhe kanë prekur 1/3 e territorit të vendit duke shkaktuar rreth 300 të vdekur.

Mësohet se ujrat kanë arritur edhe qendrën e Bangkokut me 12 milionë banorë. Për momentin aeroporti ndërkombëtar është ende në funksionim./tch/

Jeshilja është ngjyra natyrale e lëkurës së krokodileve. Por një zvarranik i quajtur Snappy, që jeton në një park pranë Melburnit në Australi, ka dalë jashtë rregullave kur në mënyrë të papritur, nisi të kthehet në portokalli.

“Në fillim mendova se ishte i sëmurë, se dicka nuk shkonte me të dhe se do të ngordhte. Por nuk ndodhi asgjë e tillë…”, thotë pronarja e tij, Tracy Sandstrom.

Pas disa kërkimeve, rezultoi se krokodili 2,5 metra i gjatë kishte kafshuar, e për pasojë, dëmtuar filtrat e ujit të një mini-baseni ku pushonte gjatë natës në një ambient të ngrohtë. Kjo ka bërë që PH i ujit të rritej mbi nivelin normal, dhe mungesa e filtrave i ka hapur rrugën algave të kuqe e gjetheve të verdha që bien nga pemët përreth.

Filtrat e ujit do të ndërrohen sërish, cka për Snappy-n mund të thotë fund i kësaj lavdie të beftë, duke qenë se ekspertët presin që shumë shpejt ai t`i rikthehet ngjyrës së vet normale. Dhe për pronaren e tij Sandstorm kjo mund të nënkuptojë fundin e përpjekjeve për t`ia shitur krokodilin e rrallë ndonjë koleksionisti.

Peshkatari nga Kosta Rika Gilberto Shedden edhe pse tani krokodili është mbi 5 metra i gjatë dhe me 70 dhëmbë në gojë, ai përsëri vazhdon të luaj më atë sikur të ishte një hardhucë e vogël.

Ai e quan krokodilin Pocho. Për të parë atë dhe Pochon pranë shtëpisë së tij ku ai ka krijuar një rezervuar të vogël mblidhen çdo ditë shumë vizitorë.

Gilberto e gjeti para 20 vite krokodilin të plagosur dhe e kishte dërguar në shtëpi për ti marrë lëkurën e kokës por më pas kishte ndërruar mendje dhe e kishte mjekuar atë.

Ky peshkatar është rasti i parë në botë i “bashkëjetesës” njeri-krokodil. Përveç tij asnjë njeri tjetër nuk i afrohet Pocho-s. Krokodili ha gjashtë deri në tetë pula në ditë plus disa peshq tre herë në javë.

www.youtube.com/watch?v=1FZo5E9-RG4

Policia gjermane në qytezën Gross-Rohrheim të krahinës Hesse arrestoi një krokodil, pasi mori një telefonatë të qytetarëve të cilët lajmëruan se një krokodil po shëtiste rrugëve.

Janë zbuluar edhe pronarët e zvarranikut të frikshëm: cirku i vogël që po qëndronte si mysafir në qytet.

Krokodili kureshtar është kthyer në cirk, ndërsa policia nuk njoftoi se si është sjellë ai.

Derisa shikoni fotografinë e babait i cili mban në dorë foshnjën mbi gojën e hapur të krokodilit do të mendoni se ai është i çmendur, por jo, ky është vetëm një ritual fetar i sektit Siddha.

Rituali i tmerrshëm është pjesë e festivalit të përvitshëm fetar në Karachi, në të cilin një grup i vogël religjioz nga Pakistani nderon krokodilët, kafshën e tyre të shenjtë.

Gjatë festivalit Sheedi Mela besimtarët luten në vendin e shenjtë kushtuar zvarranikëve, ndërsa më vonë i ushqejnë me mish të freskët të dhisë. Pranimi i mishit vlerësohet si ogur i mirë, ndërsa besimtarët besojnë se kafsha nuk do t’i sulmojë, sepse ata janë pasardhës të shenjtorit Khwaj Hasan.

Krokodilët respektohen aq shumë sa që varrosen me të njëjtat nderime si edhe njerëzit. Krokodilët lahen dhe mbështillen me qefin para se të varrosen në varreza speciale, shkruan “Daily Mail”. /Telegrafi/

Anëtarët e organizatës amerikane të përkushtuar që ta bëjnë luftën me krokodilë sport legjitim thonë se ballafaqimi me reptilët e mëdhenj nuk është edhe aq i frikshëm.

Gazeta amerikane The Miami Herald shkruan se Shoqata e Mundjes me Krokodilët do të organizojë këtë javë një garë në Hard Rock Hotel të Seminoles afër Hollywoodit.

James Holt, i cili u ndesh me një krokodil për të ndihmuar në promovimin e kësaj ngjarje, tha se sekreti për të mposhtur njërën prej kafshëve vdekjeprurëse qëndron në aftësinë mendore.

“Pjesa më e vështirë është të sigurohesh se je në mend ta bësh këtë”, tha Holt, i cili mposhti një krokodil të gjatë mbi 2 metra.

Jimmy Riffle, njëri nga garuesit e ngjarjes së kësaj jave, propozoi që kjo garë duhet të bëhet ndërkombëtare

Fund i hidhur per nje krokodil ne Serengeti National Park ne Tanzani, i cili eshte ngrene i gjalle nga nje tufe hipopotamesh te uritur dhe te nxehur.

Preja i ishte afruar se tepermi nje femre dhe te vegjelve te saj, ndersa familja po notonte e qete ne ujerat e River Mara.

Kjo pakujdesi i kushtoi shtrenjte krokodilit, pasi hipopotamet e kane rrethuar dhe te vendosur per te mbrojtur llojin e tyre e kane masakruar kafshen e gjore sa hap e mbyll syte.

Krokodili u perpoq qe t’i shpetonte sulmit duke kaluar mbi shpinat e hipopotameve, po nuk ia ka dale.

“Sulmet e ketij lloji jane shume te rralla. Reagimi vjen vetem nese hipopotamet mendojne se te vegjelit e tyre ndodhen ne rrezik”, thote fotografi qe kapi imazhet e jashtezakonshme.